વાતમાં થોડું ગળપણ રાખવું!

વાતમાં થોડું ગળપણ રાખવું!

માટી તણું સગપણ રાખવું,
વાતમાં થોડું ગળપણ રાખવું!

ઉંમર થાય તો ભલે થાય,
મન થી આઘુ ઘડપણ રાખવું!

જીવવા ની આવશે તો મજા,
મન માં એકાદ વળગણ રાખવું!

કરો ટીકા બીજાની તો ભલે,
સામે ચોક્કસ દર્પણ રાખવું!

લો મદદ કોઈની જિંદગીમાં કદી,
એનું સદાય ઋણ પણ રાખવું!

મળે સિદ્ધિ તે નિયતિ નો ખેલ,
ગુમાન કદી ના સહેજ પણ રાખવું!

માટી તણું સગપણ રાખવું,
વાતમાં થોડું ગળપણ રાખવું!

Read more poem in Gujarati on Gujjumitro.com