ફૂલ બનીશ તો કચડાઈ જઈશ, કાંટો બનીશ તો બળી જઈશ!

ફૂલ બનીશ તો કચડાઈ જઈશ, કાંટો બનીશ તો બળી જઈશ!

ફૂલ બનીશ તો કચડાઈ જઈશ ,
કાંટો બનીશ તો બળી જઈશ .

તો લાવ ને ફોરમ જ બની જાઉં ,
ચારેકોર મહેકાઈ તો જઈશ .

ઢોલક બનીશ તો પીટાઈ જઈશ ,
હાર્મોનિયમ બનીશ તો બજાઈ જઈશ ,

તો લાવ ને સૂર જ બની જાઉં ,
સૌ ના દિલ માં છવાઈ તો જઈશ .

ભૂત બનીશ તો ભૂલી જઈશ ,
ભવિષ્ય બનીશ તો ભખાઈ જઈશ ,

તો ચાલ ને વર્તમાન જ બની જાઉં ,
સૌ ની સાથે તો રહીશ .

દૈત્ય બનીશ તો મરાઇ જઈશ ,
દેવ બનીશ તો પૂજાઈ જઈશ ,

તો લાવ ને માનવ જ બની જાઉં
સૌ ની વચ્ચે તો રહીશ .

વાંસળી બનીશ તો ફૂંકાઈ જઈશ ,
સુદર્શન બનીશ તો ફેંકાઇ જઈશ,

તો લાવ ને મોરપિચ્છ જ બની જાઉં ,
’શ્યામ’ ના મસ્તકે તો રહીશ.

આ પણ વાંચો : સ્ત્રી ના વખાણ કરીએ એટલા ઓછા : નારી તું નારાયણી