તારી ભીતર સંત છે, તું ખરો શ્રીમંત છે
તારી ભીતર સંત છે, તું ખરો શ્રીમંત છે
❛❛તારી ભીતર સંત છે !
તું ખરો શ્રીમંત છે.
એ જ દુઃખ અત્યંત છે,
હરિ! તું મૂર્તિમંત છે.
એટલે જીવું છું હું,
‘દુઃખ હજી જીવંત છે.’
ક્યાંય રોકાતું નથી,
સુખને કેવી ખંત છે ?
આ તરફ જોતાં નથી,
તેઓ શું ભગવંત છે ?
કોઈ પૂછે, તો કહું,
જીવન નર્યું તંત છે.
લો! ઉતારો આરતી,
આપણું દુઃખ મહંત છે.
તો કરોને પારખાં,
પીડા બહુ બળવંત છે.
શ્વાસ પણ લેવાય નહિ,
આ તે કેવો અંત છે !❜❜
– નીલેશ ગોહિલ
