પત્નીને અર્ધાંગિની કેમ કહેવાય છે : ગુજરાતી હાસ્ય લેખ
પત્નીને અર્ધાંગિની કેમ કહેવાય છે : ગુજરાતી હાસ્ય લેખ
ઓન લાઇન ફ્રોડ નો એક નવતર કિસ્સો ધ્યાન થી વાંચો ..ગુજરાતી હાસ્ય લેખ
એક ઓફીસર નિવૃત થયા. સારી એવી રકમ મળી . ૨૫ લાખ જેટલી રકમ બચત ખાતામાં રાખી .
બીજી રકમ ફિક્સ અને અન્ય રોકાણો માં ગોઠવી . બચત ખાતું પત્નિ ના નામે સંયુક્ત હતું તો તેમણે ખાતાની વિગત પણ પત્નિ ને પુરેપુરી જણાવી હતી , એ ટી એમ ના પીન સહિત . એકવાર તેઓ બહાર ગયા હતા . ફોન ઘરે રહી ગયો .
ઘરે આવ્યા તો પત્નિ એ સમાચાર આપ્યા કે બેંકમાંથી ફોન હતો .
“શાના માટે હતો “
પત્નિ “ આપણું ખાતું પ્રિમિયમ ખાતામાં બદલવા માટે , ઓ ટી પી આવશે એમ કહ્યું “
ઓફીસર ના ધબકારા વધવા લાગ્યા . પુછ્યું “ ઓ ટી પી આપ્યો ? “
પત્નિ “ હા, બેંકનો ફોન હતો તો આપવો જ પડેને !”
ઓફીસર ધડામ કરતા સોફામાં પડી ગયા . પચ્ચીસ લાખ ખાતામાં હતા. તુરંત મોબાઇલ લઇ ને એકાઉન્ટ ચેક કરવા લાગ્યા . પણ તેમના આનંદ અને આશ્ચર્ય સાથે રકમ સલામત હતી .
પત્નિ ને પુછ્યું “ઓ ટી પી કયો આપ્યો હતો ? .
પત્નિ એ ભોળા ભાવે કહ્યું
“ ૨૪૦૪ આવ્યો હતો પણ આપણું તે સંયુક્ત ખાતું છે એટલે મે મારા ભાગનો જ ઓ. ટી. પી. , “૧૨૦૨” આપ્યો હતો .
કુછ સમજે ?? પત્નિ ને અર્ધાંગીની કેમ કહે છે ?
આ પણ વાંચો : રાધા રાણી ની વાર્તા : નિધિવન નું એક રહસ્ય
