કોણે કહ્યું કે આપણી વચ્ચે પ્રણય નથી?
કોણે કહ્યું કે આપણી વચ્ચે પ્રણય નથી
❛❛તમને સમય નથી અને મારો સમય નથી;
કોણે કહ્યું કે આપણી વચ્ચે પ્રણય નથી !
વીસરી જવું એ વાત મારા હાથ બહાર છે,
ને યાદ રાખવું એ તમારો વિષય નથી !
રોકી રહી છે તમને તમારી શરમ, અને
મારા સિવાય મારે બીજો કોઈ ભય નથી !
હું ઈન્તજારમાં ને તમે હો વિચારમાં,
એ પણ છે શરૂઆત, કૈં આખર-પ્રલય નથી !
એવું નથી કે એળે ગઈ મારી ઝંખના
એવું નથી કે સાવ તમારે હૃદય નથી !❜❜
– બાપુભાઈ ગઢવી
Also read : રોગપ્રતિકારક શક્તિ વધારવા માટેની આયુર્વેદિક ટીપ્સ
Beautiful poem.