બદામ જેવા સ્વાદ વાળી ચારોળી ના ૮ અમૂલ્ય ફાયદા

બદામ જેવા સ્વાદ વાળી ચારોળી ના અમૂલ્ય ફાયદા

ચિરોંજી અથવા ચારોળી બળ-વીર્ય વધારનાર, વાત પિત્તનાશક , શીતળ , હૃદય માટે લાભદાયી અને ત્વચા-વિકારમાં ફાયદાકારક છે. મીઠી, પૌષ્ટિક અને સ્વાદિષ્ટ હોવાથી તેનો ઉપયોગ વાનગીઓ, મીઠાઈઓ, થંડાઈ વગેરેમાં થાય છે.

ચારોળી ના ફાયદા અને ઉપયોગ

1] ચારોળી નું સેવન કરવાથી શારીરિક શક્તિ વધે છે, થાક દૂર થાય છે અને મગજને ઉર્જા મળે છે.

2] તે વીર્યને ઘટ્ટ બનાવે છે. શુક્રાણુઓની સંખ્યા ઓછી હોય અને નપુંસકતા હોય તો ચારોળી ને દૂધ સાથે લો.

3] તે હૃદયને મજબૂત કરે છે અને હૃદયની ગભરામણ માં ખૂબ જ ફાયદાકારક છે.

4] ચારોળી શીળસ માં ખૂબ જ ફાયદાકારક છે. શીળસ ના ચકામા પડે તો 15-20 ચારોળીને દિવસમાં એકવાર ખાઓ અને તેને ખૂબ ચાવ્યા પછી દૂધમાં પીસીને ફોલ્લીઓ પર લગાવો.

5] ચારોળી નું સેવન ગળા, છાતી અને પેશાબની બળતરામાં ફાયદાકારક છે.

6] મોં અને જીભ પર ચાંદા પડી ગયા હોય તો તેના 3-4 દાણા લાંબા સમય સુધી ચાવો અને તેનો રસ અહીં-ત્યાં મોંમાં ઘસતા રહો, પછી ગળી જાઓ. આ રીતે દિવસમાં 3-4 વખત કરો.

7] ચારોળી ના પેસ્ટને દૂધ સાથે લગાવવાથી ત્વચા ચમકદાર બને છે, ડાઘા દૂર થાય છે.

8] માથાનો દુખાવો થાય અને ચક્કર આવે તો ચારોળીને દૂધમાં ઉકાળો અને હૂંફાળું પી જાઓ.

સાવધાની

પચવામાં ભારે અને કબજિયાત હોવાથી ભૂખ ન લાગતી હોય અને કબજિયાત હોય તેવા દર્દીઓએ ઓછી માત્રામાં તેનું સેવન કરવું જોઈએ.

અચાનક વાળ ઊતરી જવાનો રોગ – ઉંદરી નો આયુર્વેદિક ઉપાય